Norwich na Newcastle zashushwa daraja EPL

Ni mara ya nne kwa Norwich kushushwa daraja kutoka EPL

Klabu ya Norwich City imeshushwa daraja kutoka Ligi ya Premia licha ya kuandikisha ushindi dhidi ya Watford.

Klabu ya Newcastle United pia imeshushwa daraja.

Ushindi wa Sunderland wa 3-0 dhidi ya Everton Jumanne uliwafikisha hadi alama 38 na kwa kuwa Norwich na Newcastle hawawezi kuwafikia, moja kwa moja klabu hizo mbili zikashushwa daraja.
Kwa sasa Norwich wana alama 34 sawa na Newcastle. Klabu nyingine iliyoshushwa daraja ni Aston Villa iliyo na alama 17 kwa sasa.

Troy Deeney alikuwa amewapa Watford uongozi mechi hiyo iliyochezewa Carrow Road lakini Norwich wakajibu kupitia bao la Nathan Redmond.

Jedwali la msimamo wa ligi ya EPL kufikia 12 Mei, 2016.

Nambari	Klabu	Mechi	Mabao	Alama
1	Leicester	37	32	80
2	Tottenham	37	38	70
3	Arsenal	37	25	68
4	Man City	37	30	65
5	Man Utd	37	12	63
6	West Ham	37	15	62
7	Southampton	37	15	60
8	Liverpool	37	13	59
9	Chelsea	37	6	49
10	Stoke	37	-15	48
11	Swansea	37	-10	46
12	Everton	37	1	44
13	Watford	37	-10	44
14	Crystal Palace	37	-9	42
15	West Brom	37	-14	42
16	Bournemouth	37	-20	42
17	Sunderland	37	-14	38
18	Newcastle	37	-25	34
19	Norwich	37	-25	34
20	Aston Villa	37	-45	17

Dieumerci Mbokani aliwafungia Norwich la pili naye Craig Cathcart akawaongezea la tatu kwa kujifunga.

Odion Ighalo alikomboa bao la pili lakini Mbokani akawafungia Norwich bao la nne.

Baada ya kushushwa daraja, Norwich sasa watakuwa wakichezea tu fahari mechi yao ya mwisho dhidi ya Everton Jumapili.

Watford watajaribu kumaliza msimu vyema dhidi ya Sunderland nyumbani.